Statalisaziun da la viafier dal Gottard

1. matg 1909
«Las viafiers svizras al pievel svizzer!»
«Las viafiers svizras al pievel svizzer!»

La statalisaziun da las tschintg grondas viafiers privatas polarisescha enturn 1900 la publicitad. Manads vegnan ils aderents dal cusseglier federal Josef Zemp. El gudogna la votaziun dal favrer 1898. Il placat regorda a quest eveniment. (1898, Scola auta d'art da Turitg)

La viafier dal Gottard vegn statalisada l'onn 1909 sco ultima da las 5 grondas societads da viafier privatas da la fin dal 19. tschientaner ed integrada en las Viafiers federalas svizras fundadas l'onn 1902. Il passadi a las VFF sa retardescha perquai ch'ils contracts internaziunals cun l'Italia e cun la Germania valan anc adina. Suenter la statalisaziun è la viafier dal Gottard per decennis la lingia la pli rentabla da las VFF. L'onn 1921 vegn ella electrifitgada. Quai è l'emprim project grond da las VFF vi dal traject dal Gottard.

« Preschents èn 28 votants che represchentan 48'050 aczias resp. in chapital d'aczias da 24'025'000.– francs. »

Protocol da la radunanza generala finala dals acziunaris da la Societad da la viafier dal Gottard a Lucerna dals 22 da zercladur 1912

Bundesbahnen gestern und heute

1944, Archiv federal svizzer

Bundesbahnen gestern und heute

Las Viafiers federalas ier ed oz, 1944 (Archiv federal svizzer)

211 milliuns francs

il pretsch da cumpra che la confederaziun ha pajà a chaschun da la statalisaziun

3.860 milliuns persunas

ha la societad da la viafier dal Gottard transportà l'onn 1908, l'ultim onn da gestiun avant la statalisaziun

1.615 milliuns tonnas

rauba ha la societad da la viafier dal Gottard transportà l'onn 1908, l'ultim onn da gestiun avant la statalisaziun

Render attent a questa pagina