Societad

Dapi l'invenziun da la viafier, da l'automobil e da l'aviun vivain nus en il temp da la mobilitad. Adina pli svelt circuleschan rauba e persunas enturn il globus. La NVTA represchenta l'acceleraziun da la societad. Pertutgads da quai èn oravant tut ils centers urbans ed economics. Las regiuns ruralas profiteschan sco destinaziuns turisticas. Uschia dirigia il tunnel da basa dal Lötschberg, ultra dal tunnel da basa dal Gottard è el l'axa purtanta da la NVTA, novs turists en il Vallais, e blers Vallesans pon grazia ad el pendular a lur plazzas da lavur en ils centers da la Svizra tudestga.

Chavazzins davart il tema Societad

1805

L'emprima «chaussée» en muntogna

La NVTA cuntinuescha cun la tradiziun da las vias da traffic ch’èn plis tschientaners veglias e manavan tras las Alps da la Svizra.

Guardar l'eveniment
1868

Ils tessinais èn svelts

La regiun periferica dal Tessin posseda staziuns istoricas magnificas. Ils Tessinais èn pli svelts che quels da la Svizra Centrala: els construeschan numnadamain durant ch’ils daners èn anc avant maun.

Guardar l'eveniment
1897

La viafier dal Gottard ed ils litterats

Spitteler, Moeschlin, Schädelin: La viafier dal Gottard ha fascinà ils litterats.

Guardar l'eveniment
1914

Cumbat cunter la natira

La viafier è in med da transport relativamain ecologic. Ma en las Alps cumbatta ella cunter las forzas da la natira.

Guardar l'eveniment
1957

Turissem cun il tren

La viafier è in med da transport popular. Ses trajects da viafier gidan la Svizra ad avair success sco pajais da turissem.

Guardar l'eveniment
25 favrer 1977

La concepziun globala dal traffic

La coordinaziun da la politica da traffic e da sia finanziaziun tras la Confederaziun è ina basa impurtanta da la NVTA.

Guardar l'eveniment
1985

Il mitus dal Gottard

Il Gottard è in mitus da la Svizra. El represchenta defensiun, dentant er la funcziun da la Svizra sco pajais da transit.

Guardar l'eveniment
1992

Il consentiment da la Svizra occidentala

Dals dus tunnels da basa tras il Gottard e tras il Lötschberg profitan cunzunt Turitg, Berna, il Vallais ed il Tessin. Ma er la Svizra occidentala ha in grond niz da la NVTA.

Guardar l'eveniment
2 favrer 1993

La NVTA e l'Europa

Represchentantas e represchentants da l'economia e politicras e politichers vesan la NVTA dal cumenzament ennà sco project che promova l'integraziun da la Svizra en l'Europa.

Guardar l'eveniment
21 avrigl 1993

Squitsch dal moviment ecologic

La «ovra da construcziun tschientenara» vegn discutada en moda cuntraversa: La politica, l'administraziun e las organisaziuns da l'ambient tschertgan soluziuns cuminaivlas.

Guardar l'eveniment
13 december 1993

Planisaziun dal territori

Vias da traffic transfurman la cuntrada. Perquai occupa il trassé da la NVTA la planisaziun dal territori.

Guardar l'eveniment
13 settember 1995

Colliaziun cun l'exteriur

Il success da la NVTA dependa da l'exteriur. Il traffic da rauba sin la viafier s'augmenta mo, sche l'axa Rotterdam-Genua vegn modernisada.

Guardar l'eveniment
8 october 1999

Il grond spustament

Tras l'engrondiment da la NVTA vegn il traffic da rauba tras las Alps spustà cuntinuadamain da la via sin la viafier, dentant pli plaun che planisà.

Guardar l'eveniment
2011

Ils tunnels da temp liber

La part la pli gronda da las persunas che traversa las Alps cun la viafier, na viagia betg per motivs professiunals, mabain durant ses temp liber.

Guardar l'eveniment
23 avust 2013

In milliun visitadras e visitaders

Durant la construcziun dals tunnels da basa dal Gottard e dal Lötschberg ha la populaziun gì l'occasiun da visitar l'interiur da la muntogna. L'affluenza è enorma.

Guardar l'eveniment
2016

Ils tunnels da quest mund

Tgi ha il tunnel il pli lung? Construcziun da tunnels vul dir aspirar al record mundial. Prest vegn in nov victur a muntar sin il podest.

Guardar l'eveniment
1. zercladur 2016

Giasts prominents a la festa d'avertura

Cun ina festa pompusa vegn inaugurà l'onn 2016 il tunnel da basa dal Gottard. Merkel, Hollande e Renzi èn preschents, la testa da la UE betg.

Guardar l'eveniment
11 december 2016

Custs e niz

La NVTA ha custà blers daners. Quant grond che ses niz economic è, vegn a mussar il futur.

Guardar l'eveniment
2017

43’152 trens

Ils emprims mais stagna il traffic en il nov tunnel da basa dal Gottard da temp en temp. Las VFF reageschan cun trens spezials.

Guardar l'eveniment
2017

Al limit da capacitad

Il tunnel da basa dal Lötschberg vegn tschiffà da ses agen success. La renovaziun è gia en planisaziun.

Guardar l'eveniment
2021

Trajects da muntogna, ed uss?

I na dat betg mo victurs, mabain er perdents. L’avegnir dal traject da muntogna dal Gottard tras la Val d’Ursera e tras la Leventina – renumà sin l’entir mund – è avert.

Guardar l'eveniment